អ្វីទៅ 3D Touch មាននៅលើ iPhone 6s & iPhone 6s Plus ?

ជា​មួយ​នឹង​វត្តមាន​ក្ដៅ​គគុក​របស់​ iPhone ជំនាន់​ចុងក្រោយ​របស់​ក្រុមហ៊ុន Apple គឺ​ iPhone 6s និង iPhone 6s Plus ​គឺ​ប្រាកដ​ជា​​ធ្វើ​ឲ្យ​អ្នក​គាំ​ទ្រ​ពិត​ជា​ចង់​ដឹង​ពី​មុខងារ​សំខាន់​ ដែល​បាន​ភ្ជាប់​មក​ជា​​មួយ​វា​​។ ក្នុង​នោះ​ដែរ​ គេ​ឃើញ​មាន​​បច្ចេកវិទ្យា​ 3D Touch ​ដែល​ជា​បច្ចេកវិទ្យា​ថ្មី​​បំផុត​​ ​មាន​នៅ​លើ​ទូរសព្ទ​ iPhone ជំនាន់​ចុង​ក្រោយ​នេះ។ មុខងារ​របស់ 3D Touch ​គឺ​​អាច​ឲ្យ​អ្នក​ប្រើ​ប្រាស់​ធ្វើ​ការ​បញ្ជា​មុខងារ​ផ្សេងៗ​​គ្នាទាំង​នៅ​លើ​ Home Screen និង​នៅ​លើ​កម្មវិធី​​ តាម​រយៈ​ការ​ប្រើ​ម្រាម​ដៃ​ចុច​​សង្កត់លើ​ផ្ទៃ​អេក្រង់​។

 តាមពត៌មាន បែកធ្លាយ កន្លងមក បញ្ជាក់ថា Apple នឹងបំពាក់បច្ចេកវិទ្យា Force Touch នៅលើ iPhone 6s និង iPhone 6s ជំនាន់ថ្មី ប៉ុន្តែអ្វីៗ មិនដូចការ គិតនោះទេ នៅចុងក្រោយ Apple បែរជាបំពាក់ បច្ចេកវិទ្យាថ្មី មួយទៀត ដែលធ្វើអោយ អ្នកគាំទ្រ ស្មានមិនដល់ ទាល់តែសោះ គឺបច្ចេកវិទ្យា នោះត្រូវបាន ហៅថា 3D Touch។

តាមពិតទៅ Force Touch និង 3D Touch គឺជាបច្ចេកវិទ្យា តែមួយទេ គ្រាន់តែ 3D Touch វាជាបច្ចេកវិទ្យា ជំនាន់ថ្មី បន្ទាប់ពី Force Touch ដែលបង្កើត ឡើងដោយ Apple និង ត្រូវបំពាក់ឡើង នៅលើ iPhone 6s, iPhone 6s Plus។ ជាមួយនឹង បច្ចេកវិទ្យា​​ 3D Touch នេះវាអាច ដឹងពីសំពាធ នៃការថាច់ របស់ យើងបាន ប្រសិនបើអ្នក ថាច់អោយ ជាប់ទៅ លើកម្មវិធី ណាមួយ វានឹងលោត មុខងារផ្សេងៗ។

ដើម្បី​កាន់​តែ​ច្បាស់​ពី​ដំណើរការ​របស់មុខងារ​មួយ​នេះ ​​សូម​តាម​ដាន​វីដេអូ​ខាង​ក្រោម​៖